ບໍລິສັດ Linguaphone ໄດ້ຖືກສ້າງຕັ້ງຂຶ້ນໃນປີ 1901 ແລະ ເປັນໜຶ່ງໃນຜູ້ໃຫ້ບໍລິການດ້ານການສອນພາສາທີ່ມີຊື່ສຽງໂດ່ງດັງໃນທົ່ວໂລກ. ຕະຫຼອດໄລຍະເວລາຫຼາຍປີ Linguaphone ໄດ້ຊ່ວຍໃຫ້ຜູ້ຄົນຫຼາຍລ້ານຄົນທົ່ວໂລກໄດ້ມີໂອກາດກ້າວໜ້າໃນດ້ານອາຊີບ ແລະ ມີຊີວິດທີ່ດີກວ່າເກົ່າດ້ວຍການຮຽນຮູ້ພາສາໃໝ່ໆ. Linguaphone ໃຫ້ບໍລິການຫຼັກສູດພາສາສຳລັບ ຜູ້ໃຫຍ່ ແລະ ເດັກນ້ອຍ ໂດຍຜ່ານຕົວແທນສະຖາບັນດ້ານການສຶກສາທີ່ໜ້າເຊື່ອຖືຢູ່ໃນທົ່ວໂລກ ເຊິ່ງລວມມີໂຮງຮຽນສອນພາສາທີ່ໄດ້ມາດຕະຖານເຊິ່ງກໍຄື Direct English ແລະ Pingu's English. Linguaphone ກ້າວຂຶ້ນເປັນຜູ້ນຳລະດັບສາກົນໃນດ້ານການສອນພາສາຢ່າງວ່ອງໄວ ຍ້ອນເປັນຜູ້ບຸກເບີກທີ່ນຳໃຊ້ຕຳລາຮຽນຄວບຄູ່ໄປກັບສື່ການຮຽນແບບມີສຽງ ເຊິ່ງຖືເປັນວິທີການຮຽນທີ່ທັນສະໄໝ ແລະ ມີປະສິດທິພາບ. ໃນປັດຈຸບັນນີ້, ຫຼັກສູດພາສາທີ່ມີຊື່ສຽງຂອງ Linguaphone ແມ່ນລວມມີ Linguaphone, Pingu's English, ແລະ Direct English ເຊິ່ງໃນປັດຈຸບັນກໍຍັງໄດ້ມີການນຳໃຊ້ວິທີການສອນແບບທັນສະໄໝ ແລະ ເຄື່ອງມືການຮຽນຮູ້ແບບດິຈິຕອລເຂົ້າຊ່ວຍນຳອີກ.
Pingu™ ແມ່ນລາຍການໂທລະທັດທີ່ໄດ້ຮັບລາງວັນ ແລະ ເປັນທີ່ຮັກແພງຂອງທັງເດັກນ້ອຍ ແລະ ຜູ້ປົກຄອງ. ລາຍການນີ້ຖືກເລືອກມາ ຍ້ອນເນື້ອຫາທີ່ເຂົ້າເຖິງງ່າຍ ແລະ ແຝງດ້ວຍຄະຕິເຕືອນໃຈທີ່ດີ. ຈາກຄວາມນິຍົມຂອງລາຍການນີ້, Pingu's English ຈຶ່ງຖືກພັດທະນາຂຶ້ນ ຫຼັງຈາກທີ່ໄດ້ຮັບລິຂະສິດການສອນພາສາອັງກິດຈາກ HIT Entertainment (ປັດຈຸບັນແມ່ນສ່ວນໜຶ່ງຂອງ Mattel) ໃນເດືອນກຸມພາ ປີ 2006. ດ້ວຍປະສົບການທີ່ຍາວນານກວ່າໜຶ່ງສະຕະວັດຂອງ Linguaphone Group, ຫຼັກສູດນີ້ຈຶ່ງໄດ້ນຳໃຊ້ວິທີການຮຽນຜ່ານການຫຼິ້ນ, ກິດຈະກຳທີ່ສ້າງສັນ ແລະ ສື່ການຮຽນທີ່ມີຄຸນະພາບ ເຊິ່ງອອກແບບໂດຍຜູ້ຊ່ຽວຊານຈາກປະເທດອັງກິດ. ການນຳໃຊ້ທັງການເລົ່າເລື່ອງ, ສຽງເພງ, ເກມ ແລະ ສື່ດິຈິຕອລ ເຮັດໃຫ້ການຮຽນມີຄວາມມ່ວນຊື່ນ ແລະ ເປັນກັນເອງ. ສິ່ງເຫຼົ່ານີ້ຊ່ວຍໃຫ້ເດັກນ້ອຍມີຄວາມໝັ້ນໃຈໃນການໃຊ້ພາສາອັງກິດ ໄປພ້ອມໆກັບການຜະຈົນໄພທີ່ແສນມ່ວນຂອງ Pingu.
ຜູ້ນໍາທີ່ໃຊ້ພາສາອັງກິດໄດ້ຢ່າງມີປະສິດທິພາບ ແລະ ສາມາດສື່ສານກັບຄົນທົ່ວໂລກໄດ້ເປັນຜູ້ນໍາທີ່ຊົງຄຸນຄ່າຢ່າງສະຫງ່າງາມ. ພາສາອັງກິດຖືກໃຊ້ຫຼາຍກ່ວາ 90 ປະເທດທົ່ວໂລກ ແລະ ມີຫຼາຍກ່ວາ 1,000 ລ້ານຄົນທີ່ໃຊ້ພາສາອັງກິດເປັນພາສາແມ່ ແລະ ພາສາທີສອງ. ການສຶກສາພິງກຸມີຈຸດປະສົງໃນການພັດທະນາເດັກນ້ອຍລາວໃຫ້ກາຍເປັນເດັກທີ່ສາມາດເວົ້າພາສາອັງກິດໄດ້ເກັ່ງ, ເວົ້າພາສາອັງກິດໄດ້ຢ່າງລ່ຽນໄຫຼດີ, ສາມາດນໍາໃຊ້ຄໍາສັບຫຼາກຫຼາຍຢ່າງອຸດົມສົມບູນ ແລະ ເວົ້າຢ່າງມີພະລັງສາມາດຈູງໃຈຜູ້ຄົນທີ່ເຂົ້າມາຟັງໄດ້ເພື່ອປູພື້ນຖານສ້າງເດັກນ້ອຍລາວໃຫ້ກາຍເປັນຜູ້ນໍາທີ່ດີໃນອະນາຄົດ. ເມື່ອເວົ້າເຖິງການພັດທະນາເດັກໃຫ້ກາຍເປັນຜູ້ໃຫຍ່ທີ່ມີຄຸນະພາບສູງໃນອະນາຄົດນັ້ນ, ພວກເຮົາຕ້ອງໄດ້ພັດທະນາ ແລະ ສ້າງເດັກຕັ້ງແຕ່ຕອນຍັງນ້ອຍໆໂດຍສະເພາະແມ່ນການຮຽນຮູ້ພາສາ ຍ້ອນວ່າສະໝອງຂອງເດັກນ້ອຍຈະຖືກພັດທະນາ ແລະ ເຕີບໃຫຍ່ຂະຫຍາຍຕົວຕັ້ງແຕ່ຕອນ 0 ປີ ຫາ 8 ປີ. ຍິ່ງນ້ອຍເທົ່າໃດຍິ່ງດີ, ຍິ່ງນ້ອຍເທົ່າໃດຍິ່ງຮຽນຮູ້ໄດ້ໄວ, ຍິ່ງນ້ອຍເທົ່າໃດຍິ່ງເຫັນປະສິດທິຜົນສູງ. ຂ້າພະເຈົ້າມີຄວາມເຊື່ອໝັ້ນຢ່າງແຮງກ້າວ່າການສຶກສາແບບພິງກຸທີ່ຖືກອອກແບບໂດຍກຸ່ມລິງກົວໂຟນທີ່ມີປະສົບການສອນພາສາອັງກິດມາເປັນເວລາ 110 ປີ ຈະສ້າງແຮງບັນດານໃຈປຸກຄວາມກະຕືລືລົ້ນໃຫ້ເດັກນ້ອຍລາວມີຄວາມສະໜຸກສະໜານ, ເພີດເພີນ ແລະ ມ່ວນຊື່ນໃນການຮຽນຮູ້ພາສາອັງກິດໄດ້ຢ່າງເຂົ້າໃຈ ແລະ ມີປະສິດທິພາບສູງ.
